ნეტგაზეთი | ანატოლი ბიბილოვი დონბასში ჩადის ანატოლი ბიბილოვი დონბასში ჩადის – Netgazeti
RU | GE  

ანატოლი ბიბილოვი დონბასში ჩადის

სამხრეთ ოსეთის დე ფაქტო პრეზიდენტი ანატოლი ბიბილოვი უკრაინის აღმოსავლეთში, დონეცკისა და ლუგანსკის დე ფაქტო რესპუბლიკებში ვიზიტს გეგმავს. ამის შესახებ დე ფაქტო პრეზიდენტის პრეს-სამსახური იტყობინება.

ბიბილოვი მონაწილეობას მიიღებს დონეცკისა და ლუგანსკის დე ფაქტო რესპუბლიკების დღეებისადმი მიძღვნილ ღონისძიებებში, რომლებიც 11 და 12 მაისს გაიმართება.

ბიბილოვი ასევე შეხვდება დონეცკისა და ლუგანსკის დე ფაქტო პრეზიდენტებსაც.

დე ფაქტო სამხრეთ ოსეთმა 2014 წელს ცნო ლუგანსკისა და დონეცკის სახალხო რესპუბლიკების დამოუკიდებლობა.

ეს დე ფაქტო რესპუბლიკები უკრაინის აღმოსავლეთ რეგიონების, დონეცკისა და ლუგანსკის ნაწილს აკონტროლებენ. მათსა და უკრაინის თავდაცვის ძალებს შორის ვითარება ბოლოს 2021 წლის მარტის ბოლოს გამწვავდა. შედარებით აქტიური დაპირისპირება თითქმის მთელი აპრილის განმავლობაში გაგრძელდა.

კონფლიქტის ზონაში ბრძოლები სხვადასხვა ინტენსიობით დღემდე გრძელდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com