ფრანგული საინფორმაციო სააგენტოს ინფორმაციით, საფრანგეთში ტერორიზმის ბრალდებით შვიდი ადამიანი დააკავეს, მათ შორის, ერთი საქართველოშია დაბადებული. ბრალდებულები გუშინ, 27 აპრილს, წინასწარი გამოძიების ფარგლებში დააკავეს.

სააგენტოს ინფორმაციით, დაკავებულები ჩეჩნური თემის წევრები არიან, მათგან 6 რუსეთშია დაბადებული, ერთი კი- საქართველოში. Le Parisian წერს, რომ დაკავებულებს ტერორიზმთან კავშირს, ასევე სირიაში ყოფნას და ჯიჰადისტურ ქსელში ჩართულობას ედავებიან.

ნეტგაზეთი საქართველოს საგარეო საქმეთა სამინისტროს დაუკავშირდა. დავინტერესდით, უწყებას აქვს თუ არა რაიმე სახის ინფორმაცია საფრანგეთში დაკავებულ, ქართული წარმოშობის პირზე. პასუხს მიღებისთანავე გავავრცელებთ.