ევროკავშირის წარმომადგენლობა საქართველოში 19 აპრილს მიღწეული შეთანხმების შემდეგ ოპოზიციის ნაწილის პარლამენტში შესვლას მიესალმება და განცხადებას ავრცელებს.
ისინი ასევე მიესალმებიან შეთანხმების შესაბამისად პრეზიდენტის მიერ გიორგი რურუას შეწყალებას და 20 ივნისის მოვლენებთან დაკავშირებით ამნისტიის კანონპროექტზე მუშაობის დაწყებას. ამასთან, ევროკავშირის წარმომადგენლობა აცხადებს, რომ შეთანხმების შერსულებისთვის შემდეგ ნაბიჯებს ელის.
“დღეს ოპოზიციური პარტიებისმხრიდან შეთანხმებაზე ხელმომწერნი შევიდნენ პარლამენტში საქართველოს მოქალაქეების სახელით საპარლამენტო მუშაობაში მონაწილეობის მისაღებად. მმართველმა და ოპოზიციურმა პარტიებმა ერთად აირჩიეს ახალი სპიკერი და ამზადებენ კანონპროექტს პოლიტიზებულად აღქმული მართლმსაჯულების საკითხის მოსაგვარებლად. საქართველოს პრეზიდენტმა ამ ვალდებულების განსახორციელებლად თავისი კონსტიტუციური უფლებამოსილება გამოიყენა.
