კორონავირუსის ვაქცინაციისთვის წინასწარი რეგისტრაცია 18 წელს ზემოთ პირებისთვის დაიწყო.

ამისთვის მოქალაქემ პირადი მონაცემები ჯანდაცვის სამინისტროს სპეციალურ საიტზე – www.moh.gov.ge/covid-chart/register/welcome – უნდა შეავსოს.

„წინასწარი რეგისტრაციის მიზანია, სწრაფად და დაუყოვნებლივ მივიღოთ ინფორმაცია COVID -19 ვაქცინაციის მსურველთა რაოდენობის შესახებ. ასევე გეძლევათ ვაქცინებს შორის არჩევანის გაკეთების შესაძლებლობა. COVID-19 ვაქცინაციაში მონაწილეობა შეუძლია 18 წელზე უფროს მოსახლეობას“, – ამბობს ჯანდაცვის სამინისტრო.

შესავსები აპლიკაცია ასე გამოიყურება:

ნიუსის გამოქვეყნების დროისთვის [18:10 საათი], საიტზე რეგისტრირებულია 4133 ადამიანი. თუმცა ეს რიცხვი სწრაფად იცვლება.

ბოლო მონაცემებით, ქვეყანაში 30209 ადამიანია აცრილი. რაც შეეხება კორონავირუსის შემთხვევებს, ასეთი ქვეყანაში 295 936 დადასტურდა, რომელთაგან 281 574 გამოჯანმრთელდა, ხოლო 3 949 გარდაიცვალა.