ნეტგაზეთი | მარტში გზავნილები 62 მლნ აშშ დოლარით გაიზარდა მარტში გზავნილები 62 მლნ აშშ დოლარით გაიზარდა – Netgazeti
RU | GE  

მარტში გზავნილები 62 მლნ აშშ დოლარით გაიზარდა

2021 წლის მარტში ფულადი გზავნილები წინა წლის შესაბამის პერიოდთან შედარებით თითქმის 50%-ით (62.3 მლნ აშშ დოლარით) გაიზარდა და 188.2 მლნ აშშ დოლარი შეადგინა. ფულად გზავნილებში 41.48%, დაახლოებით 78 მლნ აშშ დოლარი, ევროკავშირის ქვეყნებს უკავიათ. გასული წლის მარტში საქართველოში და იმ ქვეყნებშიც, საიდანაც საქართველოს მოქალაქეები ფულს გზავნიან, ლოქდაუნი იყო გამოცხადებული.

ევროკავშირის ქვეყნებიდან ფულადი გზავნილებით პირველ ადგილს იტალია იკავებს 30.51 მლნ აშშ დოლარით. შემდეგ მოდის საბერძნეთი 20.67 მლნ აშშ დოლარით. რაც შეეხება სხვა ქვეყნებს, 32.19 მლნ აშშ დოლარით პირველ ადგილს რუსეთის ფედერაცია იკავებს, წინა წლის შესაბამის პერიოდთან შედარებით ზრდა დაახლოებით 27%-ია. შემდეგ მოდის აშშ 24.12 მლნ აშშ დოლარით.

წყარო: ეროვნული ბანკი

 

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.