შინაგან საქმეთა სამინისტროს ინფორმაციით, გიორგი მუმლაძე პოლიციისთვის წინააღმდეგობის გაწევის ბრალდებით დააკავეს. დამტკიცების შემთხვევაში, ბრალდება 2-დან 5 წლამდე ვადით თავისუფლების აღკვეთას ითვალისწინებს.
გამოძიების ვერსიით, “ქართული ოცნების” ოფისთან დღეს, 14 აპრილს გამართულ აქციაზე მუმლაძემ პოლიციის თანამშრომლებს სამსახურებრივი მოვალეობის შესრულებისას წინააღმდეგობა გაუწია და ფიზიკური შეურაცხყოფა მიაყენა.
“გამოძიებით დადგინდა, რომ მიმდინარე წლის 14 აპრილს პარტია „ქართული ოცნების“ ოფისთან მიმდინარე აქციაზე, გ.მ-მ პოლიციის თანამშრომლებს სამსახურებრივი მოვალეობის შესრულებისას წინააღმდეგობა გაუწია და ფიზიკური შეურაცხყოფა მიაყენა .
გამოძიება სისხლის სამართლის კოდექსის 353-ე მუხლის პირველი ნაწილით მიმდინარეობს, რაც პოლიციის თანამშრომლებისთვის წინააღმდეგობის გაწევას გულისხმობს”, — ნათქვამია შსს-ს განცხადებაში.
აქტივისტის დაკავების ფაქტს სამოქალაქო მოძრაობა “დროას” დამფუძნებელი, ელენე ხოშტარია ეხმაურება და აცხადებს, რომ მუმლაძის დაკავებით ვერც თავად მას და ვერც მათ ბრძოლას ხელისუფლება ვერაფერს დააკლებს.
თავხედობის ახალ სიმაღლეზე გადავიდა ოცნება და მათი პოლიცია. პირველივე დაკავებაზე მახსოვს როგორ დაუზიანეს ფეხები გიორგი…
Posted by Helen Khoshtaria on Wednesday, April 14, 2021
