“ევროპული საქართველოს” თავმჯდომარე გიგა ბოკერია გახდა. გადაწყვეტილება დღეს, 10 აპრილს, პარტიის ყრილობაზე მიიღეს.
მანამდე, გიგა ბოკერია, რომელიც “ევროპული საქართველოს” ერთ-ერთი დამფუძნებელია, პარტიის პოლიტსაბჭოს თავმჯდომარის თანამდებობას იკავებდა.
ყრილობამდე რამდენიმე საათით ადრე, პარტიის აწ უკვე ყოფილმა ლიდერებმა — გიგი უგულავამ და დავით ბაქრაძემ — “ევროპული საქართველოს” დატოვების შესახებ განაცხადეს. მათი თქმით, პარტიის ფუნდამენტურად განახლება არ ხდება.
