ნეტგაზეთი | იაფი ავიაკომოპანია Eurowings დიუსელდორფიდან თბილისის მიმართულებით ავიარეისებს გეგმავს იაფი ავიაკომოპანია Eurowings დიუსელდორფიდან თბილისის მიმართულებით ავიარეისებს გეგმავს – Netgazeti
RU | GE  

იაფი ავიაკომოპანია Eurowings დიუსელდორფიდან თბილისის მიმართულებით ავიარეისებს გეგმავს

სამოქალაქო ავიაციის სააგენტოს ინფორმაციით, იაფ ავიაკომპანია Eurowings-ს საქართველოს ავიაბაზარზე შემოსვლა სურს და ფრენის ნებართვის მისაღებად საჭირო პროცედურებს გადის.

“ავიაკომპანია “Eurowings-თან” დაკავშირებით გაცნობებთ, რომ გერმანულმა დაბალბიუჯეტიანმა ავიაგადამზიდმა უკვე მომართა ეკონომიკის სამინისტროს სსიპ სამოქალაქო ავიაციის სააგენტოს დიუსელდორფი-თბილისი-დიუსელდორფის მიმართულებით რეგულარული ოპერირების დასაწყებად აუცილებელი ნებართვის მისაღებად. სააგენტო აწარმოებს კონსულტაციებს ავიაკომპანიასთან, დაწყებულია ასევე შესაბამისი ტექნიკური დოკუმენტაციის მიღების პროცესი”, — უთხრეს ნეტგაზეთს სააგენტოში.

ავიაკომპანიის საიტზე დიუსელდორფი-თბილისი-დიუსელდორფის მიმართულებით ივლისის ბილეთები უკვე იყიდება და მათი ფასი 70 ევროდან იწყება. Eurowings-ის მფლობელი “ლუფთანზა ჯგუფია”.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.