ნეტგაზეთი | მედიაკოალიცია ხელისუფლებისგან მედიის უსაფრთხოების უზრუნველყოფას ითხოვს მედიაკოალიცია ხელისუფლებისგან მედიის უსაფრთხოების უზრუნველყოფას ითხოვს – Netgazeti
RU | GE  

მედიაკოალიცია ხელისუფლებისგან მედიის უსაფრთხოების უზრუნველყოფას ითხოვს

კოალიცია „მედიის ადვოკატირებისთვის“ ტელეკომპანია „ფორმულას“ თანამშრომლებზე თავდასხმის ფაქტებს ეხმაურება და მოუწოდებს ხელისუფლებას, დაუყოვნებლივ მიიღოს პრევენციული ზომები მედიის უსაფრთხოების უზრუნველსაყოფად.

დღეს, 9 აპრილს, „ფორმულამ“ განაცხადა, რომ მის ორ თანამშრომელს ერთ დღეში სხვადასხვა დროს თავს დაესხნენ – ერთს ფიზიკურად გაუსწორდნენ, მეორეს კი დაუზიანეს მანქანა.

„ჩვენი ინფორმაციით, თავდასხმის მოტივი კრიტიკულ მედიასაშუალებაში მუშაობაა. მივმართავთ შინაგან საქმეთა სამინისტროს, დაუყოვნებლივ მოხდეს სწრაფი რეაგირება თავდასხმის ფაქტებთან დაკავშირებით.

კოალიცია “მედიის ადვოკატირებისთვის” წევრი ორგანიზაციები კიდევ ერთხელ მოვუწოდებთ გადაწყვეტილების მიმღებ უმაღლესი რანგის პირებს, საქართველოს პრემიერ-მინისტრს, პარლამენტის წევრებს, პარტია „ქართული ოცნების“ თავმჯდომარეს, გააკეთონ ღია განცხადებები მედიის მხარდაჭერისათვის და გახშირებული თავდასხმების შესაჩერებლად.

დაუყოვნებლივ მიიღონ პრევენციული ღონისძიებები მედიის წარმომადგენლების უსაფრთხოების უზრუნველსაყოფად“, – წერია კოალიციის მიერ გავრცელებულ განცხადებაში.

ვრცლად წაიკითხეთ:

ჩვენი ერთი თანამშრომელი ნაცემია, მეორეს კი მანქანა დაუზიანეს — „ფორმულა“

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან