ნეტგაზეთი | იუსტიციის მინისტრს ორი ახალი მოადგილე ჰყავს იუსტიციის მინისტრს ორი ახალი მოადგილე ჰყავს – Netgazeti
RU | GE  

იუსტიციის მინისტრს ორი ახალი მოადგილე ჰყავს

იუსტიციის მინისტრმა რატი ბრეგაძემ ორი ახალი მოადგილე წარადგინა.

იუსტიციის მინისტრის მოადგილეებად ვალერი (ბუბა) ლომუაშვილი და თორნიკე ჭეიშვილი დაინიშნენ.

სამინისტროს ცნობით, ვალერი (ბუბა) ლომუაშვილი საერთაშორისო ურთიერთობებისა და პოლიტიკურ მეცნიერებათა დოქტორია. ის ამ დრომდე საქართველოს თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტის უფროსის პოზიციაზე მუშაობდა. იუსტიციის სამინისტროში ბუბა ლომუაშვილი დანაშაულის პრევენციის, პრობაციის და ადამიანური რესურსების მიმართულებების კურატორი იქნება.

თორნიკე ჭეიშვილი კი, რომელიც განათლებით იურისტია, დღემდე საქართველოს პარლამენტში მუშობდა; მონაწილეობდა საკონსტიტუციო ცვლილებების პროცესში. თორნიკე ჭეიშვილი არის ივანე ჯავახიშვილის სახელობის თბილისის სახელმწიფო უნივერსიტეტის, კავკასიის უნივერსიტეტისა და საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის მოწვეული
ლექტორი. იუსტიციის სამინისტროში ის კურირებას გაუწევს სამართალშემოქმედებითი და ანალიტიკური დეპარტამენტების, აგრეთვე, იუსტიციის სასწავლო ცენტრის მუშაობას. ამასთან, იქნება იუსტიციის სამინისტროს საპარლამენტო მდივანი.

რაც შეეხება მინისტრის მოადგილეებს, ბექა ძამაშვილსა და აკაკი საღირაშვილს, ისინი აგრძელებენ მინისტრის მოადგილის თანამდებობაზე მუშაობას. იუსტიციის მინისტრს ოთხი მოადგილე ეყოლება.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.