ახალი ამბები

მამუკა მდინარაძეს კორონავირუსი დაუდასტურდა

7 აპრილი, 2021 • 690
მამუკა მდინარაძეს კორონავირუსი დაუდასტურდა

ფრაქცია “ქართული ოცნების” თავმჯდომარეს, მამუკა მდინარაძეს კორონავირუსი დაუდასტურდა. ამის შესახებ მდინარაძემ ფეისბუქზე თავად დაწერა.

“მეგობრებო, ეს წუთია შემატყობინეს, რომ ჩემი ტესტის პასუხი “კოვიდზე” დადებითია. ეს ამბავი მხოლოდ ერთმა შეცდომამ განაპირობა, რამდენიმე თვის განმავლობაში ასეთი არ დამიშვია. მოკლედ, როდესაც ვინმეს ესაუბრებით, ერთი წუთითაც კი არ მოიხსნათ პირბადე, არც ერთი წუთით! ეს არის ჩემი, უკვე პირად გამოცდილებაზე დამყარებული რჩევა.
ბოლო დღეებია ირგვლივ ძალიან ბევრი შემთხვევა დაგროვდა, რისკები ძალიან გაიზარდა. ყველას უმორჩილესად გთხოვთ, ზედმიწევნით დაიცავით რეგულაციები, ყველგან ატარეთ პირბადე, რითაც, გარდა ქვეყნის ეკონომიკისა, მინიმუმ რამდენიმე ასეულ თუ ათასობით ჩვენი მოქალაქის სიცოცხლეს გადაარჩენთ”, — წერს მდინარაძე.

მასალების გადაბეჭდვის წესი