ბოლო 24 საათში კორონავირუსის 687 შემთხვევა გამოვლინდა, 8 ადამიანი კი გარდაიცვალა. StopCov-ზე გამოქვეყნებული ინფორმაციის თანახმად, ახალი შემთხვევები 27 713 კვლევის საფუძველზე გამოვლინდა, რომელთაგან 17490 ანტიგენის, 10223 კი PCR ტესტი იყო.
რაც შეეხება დადებითობის მაჩვენებელს, 6 აპრილის მდგომარეობით, დადებითობის დღიური მაჩვენებელი არის 2.48%, ბოლო 14 დღის მანძილზე – 1.98%, ხოლო 7 დღის მანძილზე – 2.42%. ქვეყანაში კორონავირუსის გავრცელებიდან დღემდე გამოვლენილი დადასტურებული შემთხვევების რაოდენობა 285 645-მდე გაიზარდა. პანდემიის გავრცელებიდან დღემდე კი ვირუსს, ჯამში, 3 840 ადამიანი ემსხვერპლა.
Covid-19-ის ახალი შემთხვევები რეგიონების მიხედვით ასე ნაწილდება:
- თბილისში – 351
- აჭარა – 61
- იმერეთი – 68
- ქვემო ქართლი – 22
- შიდა ქართლი – 41
- გურია – 14
- სამეგრელო – ზემო სვანეთი – 84
- კახეთი – 18
- მცხეთა-მთიანეთი – 20
- სამცხე-ჯავახეთი – 4
- რაჭა-ლეჩხუმი და ქვემო სვანეთი – 4.
ამ ეტაპზე ინფიცირების მიმდინარე აქტიური შემთხვევა არის 6 232, საიდანაც 1 984 ადამიანი საავადმყოფოში მკურნალობს.
