ბოლო 24 საათში საქართველოში კორონავირუსის 673 ახალი შემთხვევა დაფიქსირდა, 8 ადამიანი კი გარდაიცვალა. რაც შეეხება დადებითობის დღიურ მაჩვენებელს, 29 მარტის მდგომარეობით, დადებითობის დღიური მაჩვენებელი 2.19%-ია, ბოლო 14 დღის მანძილზე – 1.69%, ხოლო 7 დღის მანძილზე – 1.6%.
მთავრობის ინფორმაციით, ბოლო 24 საათში ქვეყანაში 30 751 კვლევა ჩატარდა, რომელთაგან 23 361 ანტიგენის, 7 390 კი PCR ტესტი იყო. კორონავირუსის გავრცელებიდან დღემდე გამოვლენილი დადასტურებული შემთხვევების საერთო რაოდენობა 281 145-მდე გაიზარდა. პანდემიის გავრცელებიდან დღემდე კი ვირუსს, ჯამში, 3 773 ადამიანი ემსხვერპლა. ამ ეტაპზე ინფიცირების მიმდინარე აქტიური შემთხვევა 4 447-ია.
დღეს გამოვლენილი ახალი შემთხვევები რეგიონების მიხედვით ასე ნაწილდება:
- თბილისში – 330
- აჭარა – 56
- იმერეთი – 67
- ქვემო ქართლი – 19
- შიდა ქართლი – 57
- გურია – 22
- სამეგრელო – ზემო სვანეთი – 71
- კახეთი – 14
- მცხეთა-მთიანეთი – 7
- სამცხე-ჯავახეთი – 4
- რაჭა-ლეჩხუმი და ქვემო სვანეთი – 26.
