ნეტგაზეთი | ჩატარდა კორონავირუსის 35 560 ტესტი, გამოვლინდა 490 შემთხვევა – 27 მარტი ჩატარდა კორონავირუსის 35 560 ტესტი, გამოვლინდა 490 შემთხვევა – 27 მარტი – Netgazeti
RU | GE  

ჩატარდა კორონავირუსის 35 560 ტესტი, გამოვლინდა 490 შემთხვევა – 27 მარტი

საქართველოში ბოლო 24 საათში კორონავირუსის 490 შემთხვევა გამოვლინდა, გარდაიცვალა 8 ადამიანი. ინფორმაციას stopcov.ge ავრცელებს.

ოფიციალური სტატისტიკის თანახმად, ამავე პერიოდში გამოჯანმრთელდა 219 პირი და ჩატარდა 35 560 კვლევა ტესტით – მათ შორის 24 791 კვლევა ანტიგენის ტესტით და 11 769 PCR ტესტით.

ვერბგვერდზე განთავსებული მონაცემებით, 26 მარტის მდგომარეობით დადებითობის დღიური მაჩვენებელი არის 1.34 %, ბოლო 14 დღის მანძილზე – 1.62 %, ხოლო 7 დღის მანძილზე – 1.77 %.

490 ახალი შემთხვევა ქალაქების მიხედვით ასე გადანაწილდა:

  • თბილისი – 256
  • აჭარა – 36
  • იმერეთი – 69
  • ქვემო ქართლი – 22
  • შიდა ქართლი – 26
  • გურია – 6
  • სამეგრელო – ზემო სვანეთი – 41
  • კახეთი – 20
  • მცხეთა-მთიანეთი – 7
  • სამცხე-ჯავახეთი – 0
  • რაჭა ლეჩხუმი და ქვემო სვანეთი – 7

“ამ ეტაპზე ინფიცირების მიმდინარე აქტიური შემთხვევა არის 4 360, საიდანაც: 1 589 ადამიანი მკურნალობს საავადმყოფოში, მათ შორის, თბილისის საავადმყოფოებში – 800, აჭარაში – 178, იმერეთში – 285. ამ ეტაპზე მძიმე პაციენტია 313 პირი, მათ შორის, თბილისში – 148, აჭარაში – 30, იმერეთში -70.

ხელოვნური სუნთქვის აპარატზე იმყოფება 71 პირი, მათგან თბილისში – 49, აჭარაში – 2, იმერეთში – 5. 192 ადამიანი მოთავსებულია კლინიკურ-სასტუმროებში, მათ შორის 150 – თბილისში, 30 – აჭარაში. 2 579 პირი ვირუსის მკურნალობის კურსს გადის საცხოვრებელ ბინაზე”, — ამბობს საქართველოს მთავრობა.

პანდემიის კრიზისის დაწყებიდან დღემდე, საქართველოში ახალი კორონავირუსის 279 936 შემთხვევა აღირიცხა. 271 809 ადამიანი გამოჯანმრთელდა, 3 746 კი — გარდაიცვალა.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან