ნეტგაზეთი | აშშ-ის საელჩო: შეშფოთებული ვართ ომბუდსმენის ოფისზე პოლიტიზებული თავდასხმებით აშშ-ის საელჩო: შეშფოთებული ვართ ომბუდსმენის ოფისზე პოლიტიზებული თავდასხმებით – Netgazeti
RU | GE  

აშშ-ის საელჩო: შეშფოთებული ვართ ომბუდსმენის ოფისზე პოლიტიზებული თავდასხმებით

საქართველოში აშში-ს საელჩო შეშფოთებას გამოთქვამს სახალხო დამცველის ოფისზე პოლიტიზებული თავდასხმების გამო. საელჩოს განცხადებით, აღნიშნული აზიანებს ამ მნიშვნელოვან ინსტიტუტს და ძირს უთხრის მის ეფექტურობას.

“ელჩი კელი დეგნანი სახალხო დამცველ ნინო ლომჯარიას შეხვდა მისი უმნიშვნელოვანესი საქმიანობის მიმართ აშშ-ის საელჩოს მხარდაჭერის გამოსახატად. სახალხო დამცველის ოფისი საქართველოში ადამიანის უფლებათა დაცვისა და დემოკრატიული განვითარებისთვის სასიცოცხლოდ მნიშვნელოვანი, დამოუკიდებელი ინსტიტუტია. ჩვენ შეშფოთებული ვართ სახალხო დამცველის ოფისზე პოლიტიზებული თავდასხმებით, რაც აზიანებს ამ მნიშვნელოვან ინსტიტუტს და ძირს უთხრის მის ეფექტურობას. მოვუწოდებთ პარლამენტს, კონქტრუქციულად ჩაერთოს სახალხო დამცველის ოფისის საქმიანობაში და მხარი დაუჭიროს მის როლს საქართველოში თითოეული მოქალაქის უფლებების დასაცავად”, — ნათქვამიას აშშ-ის საელჩოს განცხადებაში.

ნეტგაზეთის მასალების სხვა გამოცემებში გადაბეჭდვის წესი
ავტორი