ჯანდაცვის ყოფილი მინისტრი, ზურაბ ჭიაბერაშვილი აცხადებს, რომ სახელმწიფომ აცრის მსურველი ყველა მოქალაქე უნდა დაარეგისტრიროს და მორიგი დოზების შემოსვლისთანავე აცრას. ჭიაბერაშვილის თქმით, რადგან მცირდება აცრის მსურველი სამედიცინო პერსონალის რიცხვი, მთავრობამ რეგისტრირებული მოქალაქეები ასაკობრივ ჯგუფებად უნდა დაყოს და ვაქცინაციისას უპირატესობა უფროსი ასაკის მოქალაქეებს მიანიჭოს.
“დღეს კიდევ უფრო შემცირდებოდა აცრის მსურველთა რაოდენობა. ამიტომ მთავრობამ უნდა მოგვცეს საშუალება ყველა მსურველს, დავრეგისტრირდეთ შესაბამის პორტალზე; მსურველთა სია დაიხლიჩოს ასაკობრივ და რისკ-ჯგუფებად და ვაქცინის მორიგი პარტიების შემოსვლის პარალულურად აიცრას ყველა მსურველი. (რა თქმა უნდა, ჩემზე ასაკოვანი მოგვიანებითაც რომ დარეგისტრირდეს, უპირატესობა მას უნდა მიენიჭოს). ვაქცინაცია უნდა გაგრძელდეს!” – წერს ჭიაბერაშვილი.