ნეტგაზეთი | საქართველოს სახელმწიფო ელექტროსისტემა: ელ.ენერგია მთელ ქვეყანას შეუფერხებლად მიეწოდება საქართველოს სახელმწიფო ელექტროსისტემა: ელ.ენერგია მთელ ქვეყანას შეუფერხებლად მიეწოდება – Netgazeti
RU | GE  

საქართველოს სახელმწიფო ელექტროსისტემა: ელ.ენერგია მთელ ქვეყანას შეუფერხებლად მიეწოდება

საქართველოს სახელმწიფო ელექტროსისტემა 17 მარტს თბილისსა და რეგიონებში ელექტრო ენერგიის მიწოდების შეწყვეტაზე განცხადებას  ავრცელებს.

“17 მარტს, 00:04 საათზე, ქვესადგურის „ახალციხე-500” მუდმივი დენის გარდამსახი სადგურის გამორთვის გამო, შეწყდა თურქეთიდან ელექტროენერგიის იმპორტი და ენერგომომარაგება შეეზღუდა თბილისის, გორის, ხაშურის, ზესტაფონის, მარნეულის, ზუგდიდის, აჭარისა და კახეთის მომხმარებლების ნაწილს.

„ენგურჰესის“ სარებილიტაციო, ხოლო გაზსადენის „ჩრდილოეთ-სამხრეთ კავკასია“ აღდგენითი სამუშაოების მიმდინარეობის გამო, ქვეყანაში შემცირებულია ელექტროენერგიის გამომუშავება და ქვეყნის 1800 მგვტ მოხმარება 70 %-მდე იფარება იმპორტით. ასეთ რეჟიმში იმპორტის ავარიული შეყვეტა გავლენას ახდენს მოხმარების ელექტრომომარაგებაზე.

დედაქალაქს ელექტროენერგიის მიწოდება დაახლოებით 30 წუთში, ხოლო რეგიონებს 45 წუთში აღუდგა და ამ ეტაპზე, ქვეყნის ენერგომომარაგება შეუფერხებლად ხორციელდება.

„საქართველოს სახელმწიფო ელექტროსისტემა” ბოდიშს უხდის მომხმარებელს აღნიშნული შეფერხების გამო.”

ნეტგაზეთის მასალების სხვა გამოცემებში გადაბეჭდვის წესი
ავტორი