საქართველოში ბოლო 24 საათში კორონავირუსის 537 შემთხვევა გამოვლინდა, გარდაიცვალა 8 ადამიანი. ინფორმაციას მთავრობის ადმინისტრაცია ავრცელებს.
უწყება წერს, რომ ამავე პერიოდში გამოჯანმრთელდა 128 ადამიანი და ჩატარდა 29 652 კვლევა ტესტით, მათ შორის 22 203 კვლევა ანტიგენის ტესტით და 7 449 – PCR ტესტით.
„რაც შეეხება დადებითობის მაჩვენებელს, 15 მარტის მდგომარეობით, დადებითობის დღიური მაჩვენებელი არის 1.81 %, ბოლო 14 დღის მანძილზე – 1.52 %, ხოლო 7 დღის მანძილზე – 1.45%“, – წერია განცხადებაში.
ახალი 537 ტესტი რეგიონების მიხედვით ასე გადანაწილდა:
- თბილისი – 290
- აჭარა – 18
- იმერეთი – 79
- ქვემო ქართლი – 28
- შიდა ქართლი – 29
- გურია – 16
- სამეგრელო – ზემო სვანეთი – 23
- კახეთი – 37
- მცხეთა – მთიანეთი – 6
- სამცხე-ჯავახეთი – 3
- რაჭა – ლეჩხუმი და ქვემო სვანეთი – 8
„ამ ეტაპზე ინფიცირების მიმდინარე აქტიური შემთხვევა არის 3 308, საიდანაც 1 376 ადამიანი მკურნალობს საავადმყოფოში, მათ შორის, თბილისის საავადმყოფოებში – 711, აჭარაში – 141, იმერეთში – 247. ამ ეტაპზე მძიმე პაციენტია 258 პირი, მათ შორის, თბილისში – 119, აჭარაში – 21, იმერეთში – 66.
ხელოვნური სუნთქვის აპარატზე იმყოფება 85 პირი, მათგან თბილისში – 55, აჭარაში- 3, იმერეთში – 13. 133 ადამიანი მოთავსებულია კლინიკურ-სასტუმროებში, მათ შორის 101 – თბილისში, 30 – აჭარაში. 1 799 პირი ვირუსის მკურნალობის კურსს გადის საცხოვრებელ ბინაზე. საკარანტინე სივრცეებში მოთავსებულია 206 ადამიანი, მათ შორის, თბილისში – 93, ხოლო აჭარაში – 21“, – წერია ოფიციალურ განცხადებაში.
მთავრობის განცხადებითვე ამ ეტაპზე თვითიზოლაციაში იმყოფება 5 150 ადამიანი.
საქართველოში კორონავირუსის 275 685 შემთხვევა გამოვლინდა, რომელთაგან 268 693 გამოჯანმრთელდა, ხოლო გარდაიცვალა 3 658 ადამიანი.
