ნეტგაზეთი | კორონავირუსის 332 ახალი შემთხვევა დადასტურდა, 12 გარდაიცვალა კორონავირუსის 332 ახალი შემთხვევა დადასტურდა, 12 გარდაიცვალა – Netgazeti
RU | GE  

კორონავირუსის 332 ახალი შემთხვევა დადასტურდა, 12 გარდაიცვალა

Stopcov.ge-ზე გამოქვეყნებული ინფორმაციის თანახმად, ბოლო 24 საათში ქვეყნის მასშტაბით ჩატარდა 26 700 კვლევა ტესტით, მათ შორის, 17 307 კვლევა ანტიგენის ტესტით და 9 393 – PCR ტესტით.

შედეგად, ბოლო 24 საათში გამოვლინდა ვირუსით ინფიცირების 332 ახალი დადასტურებული შემთხვევა, გარდაიცვალა 12 ადამიანი. პანდემიის გავრცელებიდან დღემდე ვირუსს, ჯამში, 3 634 პირი ემსხვერპლა.

რაც შეეხება დადებითობის მაჩვენებელს, 11 მარტის მდგომარეობით, დადებითობის დღიური მაჩვენებელი არის 1.24 %, ბოლო 14 დღის მანძილზე — 1.49 %, ხოლო 7 დღის მანძილზე — 1.72%.

ინფიცირების შემთხვევები რეგიონების მიხედვით ასე ნაწილდება:

  • თბილისი — 185 შემთხვევა
  • აჭარა — 20
  • იმერეთი — 51
  • ქვემო ქართლი — 8
  • შიდა ქართლი — 14
  • გურია — 13
  • სამეგრელო-ზემო სვანეთი — 18
  • კახეთი — 20
  • სამცხე-ჯავახეთი — 1
  • რაჭა-ლეჩხუმი და ქვემო სვანეთი — 2.

ამ ეტაპზე ინფიცირების მიმდინარე აქტიური შემთხვევა არის 2 953, საიდანაც 1 310 ადამიანი მკურნალობს საავადმყოფოში, ხელოვნური სუნთქვის აპარატზე იმყოფება 75 პირი, 130 ადამიანი მოთავსებულია კლინიკურ სასტუმროებში,  1 513 პირი ვირუსის მკურნალობის კურსს გადის საცხოვრებელ ბინაზე, საკარანტინო სივრცეებში მოთავსებულია 245 ადამიანი.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.