ნეტგაზეთი | “ბერშუეთში საოკუპაციო რეჟიმის წარმომადგენლებმა საქართველოს მოქალაქე დააკავეს” – სუსი “ბერშუეთში საოკუპაციო რეჟიმის წარმომადგენლებმა საქართველოს მოქალაქე დააკავეს” – სუსი – Netgazeti
RU | GE  

“ბერშუეთში საოკუპაციო რეჟიმის წარმომადგენლებმა საქართველოს მოქალაქე დააკავეს” – სუსი

საქართველოს სახელმწიფო უსაფრთხოების სამსახურის განცხადებით, დღეს, 2 მარტს, გორის მუნიციპალიტეტის სოფელ ბერშუეთის მიმდებარე ოკუპირებულ ტერიტორიაზე საოკუპაციო რეჟიმის წარმომადგენლებმა უკანონოდ დააკავეს ამავე მუნიციპალიტეტის, სოფელ ზერტის მაცხოვრებელი.

“უკანონო დაკავების ფაქტთან დაკავშირებით მყისიერად გააქტიურდა ცხელი ხაზი. მომხდარის შესახებ ეცნობა ევროკავშირის სადამკვირვებლო მისიას. ფაქტთან დაკავშირებით ინფორმირებული არიან ჟენევის საერთაშორისო დისკუსიების თანათავმჯდომარეები და ჩვენი საერთაშორისო პარტნიორები. ამოქმედდა ყველა შესაბამისი მექანიზმი.

უკანონო პატიმრობაში მყოფი პირის გათავისუფლება დღეს გორის მუნიციპალიტეტის სოფელ ერგნეთის მიმდებარედ უახლოეს პერიოდში მოხდება”, – ნათქვამია სუსის მიერ გავრცელებულ განცხადებაში.


გამყოფ ხაზთან მცხოვრებ საქართველოს მოქალაქეებს პერიოდულად იტაცებენ რუსეთის საოკუპაციო ძალებისა და დე ფაქტო სამხრეთ ოსეთის წარმომადგენლები.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com