ნეტგაზეთი | სარკოზის ერთი წლით პატიმრობა და ორი წლით პირობითი სასჯელი შეუფარდეს სარკოზის ერთი წლით პატიმრობა და ორი წლით პირობითი სასჯელი შეუფარდეს – Netgazeti
RU | GE  

სარკოზის ერთი წლით პატიმრობა და ორი წლით პირობითი სასჯელი შეუფარდეს

საფრანგეთის ყოფილი პრეზიდენტი ნიკოლა საკოზი ფრანგულმა სასამართლომ კორუფციასა და გავლენით ვაჭრობაში დამნაშავედ ცნო და ერთი წლით პატიმრობა და 2 წლით პირობითი სასჯელი დააკისრა.

როგორც Associated press წერს, 66 წლის პოლიტიკოსი, რომელიც საფრანგეთის პრეზიდენტი 2007-დან 2012 წლამდე იყო, არალეგალურად ცდილობდა ინფორმაციის მოპოვებას მოსამართლისგან საქმეზე, რომელშიც თავად ფიგურირებდა.

სასამართლოს განცხადებით, სარკოზის აქვს უფლება, მოითხოვოს შინაპატიმრობა ელექტროსამაჯურის გამოყენებით. ამასთან, როგორც სასამართლო აღნიშნავს, ფაქტები განსაკუთრებით სერიოზულია იმის გათვალისწინებით, რომ დანაშაული ყოფილმა პრეზიდენტმა ჩაიდინა, ასევე, სარკოზი ყოფილი იურისტია და კარგად იცოდა, რომ არალეგალურ ქმედებას ჩადიოდა.

გამტყუნდა სარკოზისთან ერთად ბრალდებული ორი პირიც, რომლებსაც ბრალი იმავე მუხლით ედებოდათ, რითაც საფრანგეთის ექსპრეზიდენტს.

მიმდინარე თვის ბოლოს ნიკოლა სარკოზის და კიდევ 13 პირს წინ კიდევ ერთი სასამართლო პროცესი ელოდება  2012 წელს მისი საპრეზიდენტო კამპანიის არალეგალური დაფინანსების ბრალდებით.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.