ნეტგაზეთი | ICC ღარიბაშვილისთვის მისალოც მიმართვას აუქმებს – ფადი ასლი ICC ღარიბაშვილისთვის მისალოც მიმართვას აუქმებს – ფადი ასლი – Netgazeti
RU | GE  

ICC ღარიბაშვილისთვის მისალოც მიმართვას აუქმებს – ფადი ასლი

საერთაშორისო სავაჭრო პალატის ინვესტორთა საბჭოს თავმჯდომარე, ფადი ასლი Twitter-ზე წერს, რომ ორგანიზაციას წერილით უნდა მიელოცა ირაკლი ღარიბაშვილისთვის პრემიერად არჩევა, თუმცა “ნაციონალური მოძრაობის” ოფისში მომხდარის გამო, ისინი ამ წერილს აღარ გააგზავნიან. ფადი ასლის შეფასებით, ენმ-ის ოფისში სპეციალური დანიშნულების რაზმის შეყვანა და პარტიის თავმჯდომარის ასეთი გზით დაკავება საინვესტიციო კლიმატს აზიანებს:

“საერთაშორისო სავაჭრო პალატას (ICC) მომზადებული ჰქონდა პრემიერ ღარიბაშვილისთვის მისალოცი წერილი, თუმცა მისი რადიკალური და  კონფრონტაციული მიდგომების გამო, რომელიც სერიოზულად აზარალებს სამოქალაქო მშვიდობასა და ქვეყნის საინვესტიციო კლიმატს, ჩვენ ვაუქმებთ ამ მიმართვას.”

“ნაციონალური მოძრაობის” ოფისში ნიკა მელია დღეს, 23 თებერვლის დილას დააკავეს. მელია პოლიციელებმა სპეციალური მანქანით უკვე წაიყვანეს.

მელიას დასაკავებლად სპეცოპერაცია ჩატარდა, ენმ-ის ოფისის შტურმისას, სავარაუდოდ, წიწაკის სპრეი გამოიყენეს.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი იყო ნეტგაზეთის რეპორტიორი 2017 წლის სექტემბრიდან 2021 წლის ივლისამდე.