პარლამენტის იურიდიულ საკითხთა კომიტეტის თავმჯდომარე ანრი ოხანაშვილი ამბობს, რომ ოპოზიციასა და “ქართულ ოცნებას” შორის მოლაპარაკებებში ლიეტუვის სეიმის (პარლამენტის) საგარეო ურთიერთობათა კომიტეტის თავმჯდომარე ჟიგიმანტას პავილიონისი “ზედმეტი” არბიტრია.
მისი თქმით, “ოცნება” აშშ-ის და ევროკავშირის ფასილიტაციით წარმართული პროცესის ერთგული რჩება და დამატებითი არბიტრი “აღარ სჭირდებათ”.
“ჩვენ გვყავს ჩვენი საერთაშორისო პარტნიორები — აშშ და ევროკავშირი, ვისთან ერთადაც გავდივართ ჩვენ ფასილიტაციას და ვისთან ერთადაც ჩვენ ამ პროცესს წარვმართავთ. დამატებითი არბიტრი ამ პროცესში[მოლაპარაკებების] არის ზედმეტი”, – განაცხადა ოხანაშვილმა.
ლიეტუვის სეიმის (პარლამენტის) საგარეო ურთიერთობათა კომიტეტის თავმჯდომარე ჟიგიმანტას პავილიონისი, რომელიც თბილისში იმყოფება და ხელისუფლებისა და ოპოზიციის წარმომადგენლებთან მართავს შეხვედრებს, აშშ-ის სახელმწიფო მდივან ენტონი ბკლინკენს მიმართავს.
პავილიონისის თქმით, ყველა პოლიტიკურმა პარტიამ, გარდა მმართველისა, საჯაროდ გამოთქვა მშვიდობიანი მოლაპარაკებებისთვის მზაობა და აშშ-ის სახელმწიფო მდივანს მიმართავს, რომ ყურადღება ნიკა მელიას წინააღმდეგ მიმართულ აგრესიულ და ავტორიტარულ ტონზე გაამახვილოს