საქართველოში ბოლო 24 საათში კორონავირუსის 538 ახალი შემთხვევა გამოვლინდა, გარდაიცვალა 18 ადამიანი. ინფორმაციას მთავრობის ადმინისტრაცია ავრცელებს.
უწყების თქმით, ამავე პერიოდში გამოჯანმრთელდა 498 ადამიანი და ჩატარდა 16 808 ტესტი, მათ შორის 9 163 კვლევა ანტიგენის ტესტით და 7 645 – PCR ტესტით.
„რაც შეეხება დადებითობის მაჩვენებელს, 4 თებერვლის მდგომარეობით, დადებითობის დღიური მაჩვენებელი არის 3.2%, ბოლო 14 დღის მანძილზე – 4.2%, ხოლო 7 დღის მანძილზე – 3.75%“, – ამბობენ უწყებაში.
ახალი შემთხვევები რეგიონების მიხედვით ასე გადანაწილდა:
- თბილისი – 227
- აჭარა – 25
- იმერეთი – 83
- ქვემო ქართლი – 35
- შიდა ქარტლი – 44
- გურია – 16
- სამეგრელო – ზემო სვანეთი – 60
- კახეთი – 31
- მცხეთა-მთიანეთი – 9
- სამცხე-ჯავახეთი – 6
- რაჭა-ლეჩხუმი და ქვემო სვანეთი – 2
„ამ ეტაპზე ინფიცირების მიმდინარე აქტიური შემთხვევა არის 5 488, საიდანაც 2 287 ადამიანი მკურნალობს საავადმყოფოში, მათ შორის, თბილისის საავადმყოფოებში – 1 078, აჭარაში – 188, იმერეთში – 463.
ამ ეტაპზე მძიმე პაციენტია 538 პირი, მათ შორის, თბილისში – 236, აჭარაში – 45, იმერეთში – 134. ხელოვნური სუნთქვის აპარატზე იმყოფება 146 პირი, მათგან თბილისში – 103, აჭარაში- 6, იმერეთში – 16.
274 ადამიანი მოთავსებულია კლინიკურ-სასტუმროებში, მათ შორის 182 – თბილისში, 81 – აჭარაში, 11 – იმერეთში,“ – ნათქვამია ოფიციალურ განცხადებაში.
მთავრობის თქმით, ამ ეტაპზე 2 927 ადამიანი მკურნალობის კურსს გადის საცოხვრებელ ბინაზე, საკარანტინო სივრცეებში კი მოთავსებულია 478 ადამიანი. ამასთანავე, თვითიზოლაციაშია 14 734 პირი.
საქართველოში კორონავირუსის 261 018 შემთხვევა დადასტურდა, რომელთაგან 252 246 გამოჯანმრთელდა, ხოლო 3 258 გარდაიცვალა.