ახალი ამბები

თელავის პროკურატურასთან ელენე ხოშტარიამ და სამოქალაქო აქტივისტებმა აქცია გამართეს

22 იანვარი, 2021 • 1145
თელავის პროკურატურასთან ელენე ხოშტარიამ და სამოქალაქო აქტივისტებმა აქცია გამართეს

ელენე ხოშტარიამ და სამოქალაქო აქტივისტებმა თელავის პროკურატურასთან აქცია გამართეს. ისინი პროკურორთან შეხვედრას ითხოვდნენ საპროტესტო კარვებში მანქანით შეღწევასთან დაკავშირებით, რომელიც პირველ იანვარს მოხდა.

ხოშტარიას თქმით, პროკურატურა, რომელიც ვალდებულია, თავდასხმა და ძალადობა გამოიძიოს და აღკვეთოს, ამას ყურადღებას არ აქცევს.

“ერთადერთი მოთხოვნა მაქვს, რომ დაზარალებულთან ერთად პროკურორთან შევიდე და პასუხი მოვთხოვო”, — განაცხადა ხოშტარიამ.

პირველ იანვარს თელავის თეატრთან ინციდენტი მოხდა, რა დროსაც ორი პირი საპროტესტო კარვებში მანქანით შეეცადა შეღწევას, რის გამოც აქტივისტთა სიცოცხლეს საფრთხე შეექმნა.

თელავის პოლიციასთან აქციის მონაწილე დააკავეს

მასალების გადაბეჭდვის წესი