ნეტგაზეთი | ამ ეტაპისთვის ილია II-სთვის კოვიდ ტესტის ჩატარება არ იგეგმება – საპატრიარქო ამ ეტაპისთვის ილია II-სთვის კოვიდ ტესტის ჩატარება არ იგეგმება – საპატრიარქო – Netgazeti
Batumelebi | RU

ამ ეტაპისთვის ილია II-სთვის კოვიდ ტესტის ჩატარება არ იგეგმება – საპატრიარქო

საპატრიარქოს განცხადების თანახმად, ამ ეტაპისთვის საქართველოს მართლმადიდებელი ეკლესიის პატრიარქისთვის, ილია მეორესთვის კორონავირუსზე ტესტის ჩატარება არ იგეგმება.

გუშინ ცნობილი გახდა, რომ პატრიარქის მდივან-რეფერანტს კორონავირუსი დაუდასტურდა. დღეს კი საპატრიარქოში ლუგარის ლაბორატორიიდან ეპიდემიოლოგები მივიდნენ და თანამშრომლებს PCR ტესტებს ჩაუტარებენ.

„აღსანიშნავია, რომ ასეთი ტესტირება საპატრიარქოს თანამშრომლებსა და სასულიერო პირებს პერმანენტულად უტარდებათ.

რაც შეეხება სრულიად საქართველოს კათოლიკოს-პატრიარქის ჯანმრთელობის მდგომარეობას, ამ ეტაპისთვის მისთვის ტესტის ჩატარება არ იგეგმება. მისი უწმინდესობა თავს კარგად გრძნობს,“ – ნათქვამია განცხადებაში.

წაიკითხეთ ასევე:

თეთრუაშვილის პასუხი კორონავირუსზე საეჭვო დადებითია – პატრიარქის ექიმი

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან