საქართველოში ბოლო 24 საათში კორონავირუსის 538 ახალი შემთხვევა გამოვლინდა, გარდაიცვალა კიდევ 41 პაციენტი. ინფორმაციას მთავრობის ადმინისტრაცია ავრცელებს.
უწყება ამბობს, რომ ამავე პერიოდში გამოჯანმრთელდა 2 766 პირი.
როგორც საკოორდინაციო საბჭოს წევრებმა მანამდე არაერთხელ განმარტეს, შაბათ-კვირას შედარებით ნაკლები ტესტი ტარდება. მთავრობის ადმინისტრაციის დღევანდელ ოფიციალურ განცხადებაში ნათქვამია, რომ ბოლო 24 საათში სულ 5 000-მდე ტესტი ჩატარდა.
„ბოლო 24 საათში ქვეყნის მასშტაბით ჩატარდა 4 769 კვლევა ტესტით, მათ შორის 1 955 კვლევა ანტიგენის ტესტით და 2 814 -PCR ტესტით,“.
საქართველში 26 თებერვლიდან დღემდე კორონავირუსის 222 143 შემთხვევა დადასტურდა, რომელთაგან 206 313 გამოჯანმრთელდა, ხოლო 2 418 გარდაიცვალა.