თბილისის მერ კახა კალაძის განცხადებით, საკოორდინაციო საბჭოს მომავალ შეხვედრებზე განიხილავს “კომენდანტის საათის” 21:00-ის ნაცვლად 23:00 ან 24:00 საათიდან დაწყების მიზანშეწონილობას.

ამის შესახებ კალაძემ ჟურნალისტებს თბილისის მთავარი ნაძვის ხის ანთების შემდეგ, იმ კითხვის საპასუხოდ განუცხადა, თუ რას ემსახურება საახალწლო განათებები, როდესაც ღამის 9 საათიდან გადაადგილება შეზღუდულია.

“რაც შეეხება „კომენდანტის საათს“, რომ 9 საათზე ქალაქში გადაადგილება იზღუდება, 24 დეკემბრამდე ჩვენ გვექნება არაერთი შეხვედრა საკოორდინაციო საბჭოში და იქნება საუბარი და განხილვა, თუ იქნება მიზანშეწონილი, „საკომენდანტო საათმა“ გადაიწიოს 11:00 ან 12:00 საათამდე”, – განაცხადა კალაძემ.

განათებები დღეს მთელი ღამის განმავლობაში იქნება, ხოლო ხვალიდან უკვე, როდესაც „კომენდანტის საათი“ დაიწყება, ნაძვის ხის გარდა, განათებები ჩამქრალი იქნება“, – განაცხადა კალაძემ.

მიუხედავად იმისა, რომ საგანგებო მდგომარეობა გამოცხადებული არ არის, ქვეყანაში მოქმედებს ფაქტობრივი “კომენდანტის საათი” — 31 იანვრის ჩათვლით, 21:00 საათიდან 05:00 საათამდე გადაადგილება შეზღუდულია.  შეზღუდვა ეხება როგორც ქვეითად გადაადგილებას, ასევე, ნებისმიერი სატრანსპორტო საშუალებით გადაადგილებასაც. ამ პერიოდში შეზღუდულია საჯარო სივრცეში ყოფნაც.

ეს შეზღუდვები მოიხსნება ორი ღამით, 31 დეკემბერს [ახალი წელი] და 6 იანვარს [შობის დღესასწაული].

თბილისის მერია 491 ათასის დახარჯვას გეგმავს უმაყურებლო საახალწლო კონცერტში