საფრანგეთის პრეზიდენტს, ემანულ მაკრონს კორონავირუსი დაუდასტურდა. ამის შესახებ დღეს, 17 დეკემბერს, მისმა ადმინისტრაციამ გაავრცელა ინფორმაცია.

მათივე ცნობით, პრეზიდენტს Covid-19 სიმპტომების პირველი გამოვლენიდან მალევე PCR ტესტით დაუდასტურდა. განცხადებაში ასევე წერია, რომ პრეზიდენტი მომდევნო 7 დღე თვითიზოლაციის პირობებში გააგრძელებს მუშაობას.

BBC წერს, რომ ვირუსის გავრცელებიდან დღემდე საფრანგეთში კოვიდ-19 2 მილიონ ადამიანს ჰქონდა, მათგან 59 400 გარდაიცვალა. მიმდინარე კვირაში ქვეყანაში კომენდანტის საათი შემოიღეს ვირუსის მზარდი შემთხვევების შესაკავებლად.