კომპანია Google-ის სერვისების — Youtube, Gmail და Google Drive —მუშაობა შეფერხებულია, მომხმარებლები ინტერნეტ მისამართზე შესვლას ვერ ახერხებენ. აღნიშნული პრობლემა შეიქმნა როგორც საქართველოში, ასევე მსოფლიოს სხვა ქვეყნებშიც. ხარვეზებით მუშაობს Google-ის სხვა სერვისებიც, მათ შორის, რუკები.
Downdetector-ის ინფორმაციით, მუშაობის პრობლემა სამივე პორტალს თბილისის დროით დაახლოებით 15:30 საათიდან შეექმნა.
იუთუბმა ცოტა ხნის წინ ტვიტერზე დაპოსტა, რომ ისინი ინფორმირებულნი არიან პრობლემის შესახებ და მუშაობენ მის აღმოსაფხვრელად.
განახლება: თბილისის დროით დაახლოებით 16:45 წუთისთვის მუშაობა განაახლა სამივე სერვერმა. ამის შესახებ მომხამრებლები სხვა ქვეყნებიდანაც იტყობინებიან.