თბილისის წმინდა გიორგის სახელობის ტაძრის (ელიავაზე მდებარე) მოძღვარი, მღვდელი დავით მაჩიტაძე კორონავირუსით გარდაიცვალა.
ამის შესახებ ინფორმაციას საპატრიარქოს უწყებანი ავრცელებს.
მათივე ცნობით, სასულიერო პირი 2 დეკემბერს გარდაიცვალა.
ბოლო 24 საათში საქართველოში გამოვლენილი კორონავირუსის შემთხვევებიდან ყველაზე მეტი თბილისში დადასტურდა. ამის შესახებ მთავრობის ოფიციალურ სტატისტიკაში ვკითხულობთ.
5 068 ახალი შემთხვევა რეგიონების მიხედვით ასე გადანაწილდა:
- თბილისი – 1959
- აჭარა – 483
- იმერეთი – 980
- ქვემო ქართლი – 296
- შიდა ქართლი – 222
- გურია – 122
- სამეგრელო-ზემო სვანეთი – 408
- კახეთი – 335
- მცხეთა-მთიანეთი – 130
- სამცხე-ჯავახეთი – 114
- რაჭა-ლეჩხუმი და ქვემო სვანეთი – 19
„ამ ეტაპზე ინფიცირების მიმდინარე აქტიური შემთხვევა არის 24 349. მათ შორის, 6 671 ადამიანი მკურნალობს საავადმყოფოში, მათ შორის, თბილისის საავადმყოფოებში-2 925, აჭარაში-1 025, იმერეთში-1 267.
ამ ეტაპზე მძიმე პაციენტია 1 070 პირი, მათ შორის, თბილისში-491, აჭარაში-155, იმერეთში-247. მათ შორის ხელოვნური სუნთქვის აპარატზე იმყოფება 476 პირი, მათგან თბილისში-214, აჭარაში-117, იმერეთში-45. 3 899 ადამიანი მოთავსებულია კოვიდ-სასტუმროში, მათ შორის 1 277- თბილისში, 2 022-აჭარაში, 343-იმერეთში. 13 779 პირი ვირუსის მკურნალობის კურსს გადის საცხოვრებელ ბინაზე“,- ნათქვამია მთავრობის განცხადებაში.
უწყების ინფორმაციითვე, საკარანტინო სივრცეებში მოთავსებულია 1 241 ადამიანი, ხოლო თვითიზოლაციაში – 51 262.