ჯანდაცვის სამინისტროსთან სამოქალაქო აქტივისტები ქვეყანაში შექმნილ ეპიდიმიოლოგიურ ვითარებას აპროტესტებენ და ჯანდაცვის მინისტრის, ეკატერინე ტიკარაძის გადადგომას ითხოვენ.
ადგილზე მობილიზებულია პოლიცია. აქციაზე ხმაური მოჰყვა ერთ-ერთი პოლიციელის გამოჩენას, რომელიც შეიარაღებული იყო.
“მოვედით, რომ გადადგეს ეს მინისტრი და ვინმე კომპეტენტური დანიშნონ, თუნდაც ოპოზიციიდან, ან ნებისმიერი ვინმე. ეს [ეკატერინე ტიკარაძე] ოროსანია, არაფერი არ იცის, არც მენეჯმენტი, საერთოდ არაეფერი იცის… ააფეთქა პანდემია, ხალხს ხოცავს, 19 წლის ბავშვი მოკვდა გუშინ”, — განაცხადა აქციის ერთ-ერთმა მონაწილემ “ტვ პირველთან”.
ბოლო რამდენიმე დღეა საქართველოში კორონავირუსის დადასტურებული დღიური შემთხვევების რიცხვი 4 ათასს აღწევს. გუშინ კორონავირუსით 19 წლის ახალგაზრდა გარდაიცვალა. დღეს ცნობილი გახდა, რომ კორონავირუსს კიდევ ერთი, 24 წლის გოგო ემსხვერპლა.