ნეტგაზეთი | ერევანში წელს უარი თქვეს მთავარ ნაძვის ხეზე და საახალწლო განათებებზე ერევანში წელს უარი თქვეს მთავარ ნაძვის ხეზე და საახალწლო განათებებზე – Netgazeti
RU | GE  

ერევანში წელს უარი თქვეს მთავარ ნაძვის ხეზე და საახალწლო განათებებზე

ერევნის მერიის გადაწყვეტილებით, ერევანში, რესპუბლიკის მოედანზე, წელს ნაძვის ხეს არ დადგამენ, სომხეთის დედაქალაქში არც საახალწლო განათებები და მორთულობები დამონტაჟდება. ამის შესახებ სომხურ მედიასთან საუბარში ერევნის მერიის პრეს-სპიკერმა აკოფ კარაპეტიანმა განაცხადა.

ამასთან, ოფიციალური ცნობითვე, 24 ნოემბერს ერევნის უხუცესთა საბჭომ ერევანში საახალწლო ღონისძიებების მოსაწყობად გათვალისწინებული 100 მილიონი დრამი [200 ათას აშშ დოლარზე მეტი] სტეპანაკერტში ინფრასტრუქტურული სამუშაოებისთვის გაგზავნა.

ყარაბაღის მეორე, 45- დღიან ომში, რომელიც 27 სექტემბერს დაიწყო, სომხურ და აზერბაიჯანულ მხარეს რამდენიმე ათასი ჯარისკაცი დაიღუპა. ამ დრომდე რამდენიმე ათეული სომეხი ჯარისკაცი უგზო-უკვლოდ დაკარგულად მიიჩნევა.

ნეტგაზეთის მასალების სხვა გამოცემებში გადაბეჭდვის წესი
ავტორი