ნეტგაზეთი | 25 ნოემბერს აღმაშენებლის ხეივანში საავტომობილო მოძრაობა შეიზღუდება 25 ნოემბერს აღმაშენებლის ხეივანში საავტომობილო მოძრაობა შეიზღუდება – Netgazeti
RU | GE  
თბილისის მერია

25 ნოემბერს აღმაშენებლის ხეივანში საავტომობილო მოძრაობა შეიზღუდება

თბილისის მერიის განცხადებით, სოფელი დიღმისთვის წყალარინების ცენტრალური ქსელის მოწყობის პროექტის ფარგლებში დაგეგმილი სამუშაოების გამო ხვალ, 25 ნოემბერს ერთი დღე-ღამის განმავლობაში აღმაშენებლის ხეივანში საავტომობილო მოძრაობა შეიზღუდება.

მერიაში ამბობენ, რომ სამუჭაოები აღმაშენებლის ძეგლის მიმდებარე ტერიტორიაზე, წრიულ სამანქანო ზოლში ჩატარდება, რის გამოც აღნიშნულ მონაკვეთზე ტრანსპორტის მოძრაობა დროებით შეიზღუდება.

მერიაში ამბობენ, რომ მძღოლებს ავტომობილების მობრუნება მომდევნო წრიულ ზოლში შეეძლებათ:

“თბილისის მერია სოფელი დიღმისთვის წყალარინების ცენტრალური ქსელის მოწყობის სამუშაოებს განაგრძობს. ამ ეტაპზე, პროექტით გათვალისწინებული სამუშაოები აღმაშენებლის ძეგლის მიმდებარე ტერიტორიაზე, წრიულ სამანქანო ზოლში ჩატარდება.

სამუშაოების მიმდინარეობისას, 25 ნოემბრიდან ერთი დღე-ღამის განმავლობაში, აღნიშნულ საგზაო მონაკვეთში ტრანსპორტის მოძრაობა დროებით შეიზღუდება. მძღოლებს ავტომობილების მობრუნება მომდევნო წრიულ ზოლში შეეძლებათ” ,- აცხადებენ მერიაში.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.