სამოქალაქო ავიაციის სააგენტო ენმ-ის წევრის, კობა ნაყოფიას საპასუხოდ აცხადებს, რომ ჩარტერული რეისით, რომლითაც საქართველოში უკრაინიდან დამკვირვებლების დელეგაცია უნდა ჩამოსულიყო, თავად ავიაკომპანიამ გააუქმა. სააგენტოს ცნობითვე, ავიაკომპანია “SkyUp Airlines”-მა უწყებას ფრენის გაუქმებაზე დღეს, 30 ოქტომბერს, შეატყობინა და მიზეზად დამკვეთი მხარის მიერ მოთხოვნილი ფრენის გაუქმება დაასახელა.
“გვსურს გამოვეხმაუროთ დღეს გარკვეული მედიასაშუალებებით გავრცელებულ ინფორმაციას იმის თაობაზე, რომ უკრაინული “რადას” ჟურნალისტებისა და დეპუტატების დელეგაციის ჩარტერული რეისი ქართული მხარის უარის გამო გაუქმდა.
ენმ-ის ინფორმაციით, უკრაინის რადას დეპუტატებისგან დაკომპლექტებულ სადამკვირვებლო მისიას საქართველოში ჩამოსვლაზე უარი უთხრეს. კობა ნაყოფიას თქმით, უკრაინიდან უნდა ჩამოსულიყო 50- კაციანი დელეგაცია, თუმცა ჩარტერული რეისის განხორციელებაზე ნებართვა ვერ მიიღეს.
“უკრაინიდან უნდა ჩამოსულიყო წარმომადგენლობითი დელეგაცია სხვადასხვა ფრაქციისგან. ღამის 2 საათამდე დასტურს ელოდნენ, რომ მისცემდნენ ნებართვას, რაც არ განხორციელდა. ქართულმა ხელისუფლებამ პრაქტიკულად უარი უთხრა უკრაინელ დამკვირვებლებს ჩამოსულიყვნენ არჩევნებზე. ეს არის კიდევ ერთი დასტური, რას აპირებს ივანიშვილი არჩევნებზე. ტყუილად აქვთ იმედი, რომ მანიპულაციებით არჩევნებს გააყალბებენ”, – განაცხადა ნაყოფიამ.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")