საქართველოს მთავრობა 3 ქალაქის მოსახლეობას “მკაცრი რეკომენდაციით” მიმართავს, რომ პირბადე გარე სივრცეებში ატაროს. შესაბამის განცხადება დღეს საკოორდინაციო საბჭოს სხდომის შემდეგ ადმინისტრაციის წარმომადგენელმა ნათია მეზვრიშვილმა გააკეთა.
გარე სივრცეში იგულისხმება ქუჩა, სკვერი და ა.შ.
რაც შეეხება 3 ქალაქს, რომელსაც ეს რეკომენდაცია ეხება, საუბარია თბილისზე, ქუთაისსა და ბათუმზე. მისივე თქმით, განსაკუთრებით სასურველია პირბადის ტარება ისეთ გარე სივრცეში, სადაც დისტანციის დაცვა რთულია, მაგალითად, ავტობუსის გაჩერებაზე.
მეზვრიშვილის განცხადებით, ეს საკითხი გაკონტროლდება შსს-ს წარმომადგენლებისა და შრომის ინსპექციის მხრიდან.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
