ნეტგაზეთი | სოფელ მარტყოფში განზრახ მკვლელობის ბრალდებით არასრუწლოვანი დააკავეს სოფელ მარტყოფში განზრახ მკვლელობის ბრალდებით არასრუწლოვანი დააკავეს – Netgazeti
RU | GE  

სოფელ მარტყოფში განზრახ მკვლელობის ბრალდებით არასრუწლოვანი დააკავეს

გარდაბნის მუნიციპალიტეტში არასრუწლოვანი განზრახ მკვლელობის ბრალდებით დააკავეს. ამის შესახებ ინფორმაციას შინაგან საქმეთა სამინისტრო ავრცელებს.

სამინისტროს ინფორმაციით, დაკავებულმა სოფელ მარტყოფში ურთიერთშელაპარაკებისას საკუთარ თანასოფლელს, 2001 წელს დაბადებულ ზ.ხ-ს ცივი იარაღის გამოყენებით სხეულზე ჭრილობები მიაყენა, დაჭრილი მამაკაცი კი საავადმყოფოში მიყვანისთანავე გარდაიცვალა.

შსს-ს ინფორმაციით, პოლიციამ ბრალდებული ცხელ კვალზე დააკავა. გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს და 7-დან 15 წლამდე თავისუფლების აღკვეთას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
ავტორი