ალდაგის სამოგზაურო დაზღვევის მფლობელები კოვიდპასპორტის შეძენას ფასდაკლებით – 100 ლარად შეძლებენ. კოვიდ-19-ის დიაგნოსტიკის ჩატარება PCR-ის მეთოდით კლინიკა მეგალაბშია შესაძლებელი.
კოვიდპასპორტი ვირუსის ტესტის დოკუმენტია, რომელიც ადასტურებს, რომ მგზავრს არ უფიქსირდება ვირუსი და მისი შესვლა ქვეყნის საზღვარზე სრულიად უსაფრთხოა.
არსებული მდგომარეობიდან გამომდინარე, რიგი ქვეყნები საზღვარზე შესვლისას კოვიდპასპორტს ითხოვენ, რაც უსაფრთხოების ერთ-ერთი მოთხოვნაა.
ალდაგის სამოგზაურო დაზღვევის შეძენა შესაძლებელია ონლაინ ფორმის შევსებით – ვებგვერდზე, ხოლო ტესტის ჩატარება – მეგალაბში. კლინიკაში პოლისის წარდგენის შემდეგ, დაზღვეული ისარგებლებს ფასდაკლებით. საბოლოო დოკუმენტს კი დაზღვეული ტესტის ჩაბარებიდან მომდევნო 24 საათში მიიღებს.
