აზერბაიჯანის არმიამ კონფლიქტის ზონაში ახალი დასახლებები აიღო. ამის შესახებ აზერბაიჯანის პრეზიდენტი ილჰამ ალიევი საკუთარი twitter-ის პოსტით ავრცელებს ინფორმაციას.
“აზერბაიჯანის არმიამ გაათავისუფლა ფუზულის რაიონის სოფელი არიში, ჯაბრაილის რაიონის სოფელი დოშლუ და ხოჯევანდის რაიონის სოფლები: დუდუქჩუ, ედილი და ჩირაღუზი”, – ნათქვამია პრეზიდენტის მიერ გავრცელებულ განცხადებაში.
სომხურ მხარეს ამ დრომდე საპასუხო განცხადება არ გაუვრცელებია.
მხარეებმა მოსკოვში 10 ოქტომბერს, დაახლოებით 12- საათიანი მოლაპარაკებების შედეგად, ე.წ. ჰუმანიტარული ზავის დადების შეთანხმებას მიაღწიეს, თუმცა მალევე ორივე მხარემ განაცხადა, რომ ცალმხრივად იცავდნენ ზავის პირობებს.
