საქართველოში ბოლო 24 საათში კორონავირუსით გარდაცვლილთა შორის ერთ-ერთი 43 წლის პაციენტი იყო. ის ტრავმატოლოგიურ ჰოსპიტალში მკურნალობდა.
როგორც ჰოსპიტლის კლინიკურმა დირექტორმა, ბუბა შალამბერიძემ ნეტგაზეთს განუცხადა, 43 წლის პაციენტს თანმხლები გამწვავებული ქრონიკული დაავადებები ჰქონდა.
დღეს, 12 ოქტომბერს, კორონავირუსით გარდაცვალების 7 შემთხვევის შესახებ გახდა ცნობილი. ბოლო მონაცემებით, ქვეყანაში კორონავირუსით 92 პაციენტია გარდაცვლილი.
ოფიციალური სტატისტიკის მიხედვით, ბოლო 24 საათში საქართველოში კორონავირუსის 478 ახალი შემთხვევა გამოვლინდა. სულ ქვეყანაში Covid 19-ის 12 272 შემთხვევა დადასტურდა, რომელთაგან 6538 გამოჯანმრთელდა.