ახალი ამბებისამხრეთ კავკასიის ამბები

ფრონტის გარკვეული მონაკვეთებიდან უკან ვიხევთ – სტეფანაკერტი

5 ოქტომბერი, 2020 • 9076
ფრონტის გარკვეული მონაკვეთებიდან უკან ვიხევთ – სტეფანაკერტი

ყარაბაღის დე ფაქტო პრეზიდენტის პრესსპიკერმა, ვაჰრამ პოღოსიანმა ფეისბუკის საშუალებით გაავრცელა ინფორმაცია, რომ სომხური ძალები ფრონტის რიგი მონაკვეთებიდან უკან იხევენ.

„თავდაცვის არმია ფრონტის გარკვეული მონაკვეთებიდან უკან იხევს, რათა თავიდან ავიცილოთ არასაჭირო მსხვერპლი  ჩვენს რიგებში და მეტი ზიანი მივაყენოთ მტერს“.

„სამხედრო სარდლობა აგრძელებს პროფესიულ ბრძოლას და ჩვენ არ ვართ შორს დღისგან, როდესაც ვიხილავთ მტრის განადგურებულ არმიას. გადაწყვეტილება უკვე მიღებულია, ჩვენ არ გავჩერდებით“, – ნათქვამია პრესსპიკერის განცხადებაში.

სამხედრო დაპირისპირება მთიან ყარაბაღში მეცხრე დღეა მიმდინარეობს. გუშინ აზერბაიჯანის პრეზიდენტმა, ილჰამ ალიევმა ჯაბრაილის რაიონის ცხრა სოფლის დაბრუნების შესახებ გაავრცელა ინფორმაცია.

დღეს დილიდან სომხური მხარის მიერ ვრცელდებოდა ინფორმაცია, რომ აზერბაიჯანმა განაახლა შეტევა კონფლიქტის ზონაში სამხრეთის მიმართულებით.

მასალების გადაბეჭდვის წესი