ახალი ამბები

ენმ-ის და “ოცნების” დაკავებულ აქტივისტებს სასამართლომ პატიმრობის უზრუნველყოფით გირაო შეუფარდა

5 ოქტომბერი, 2020 • 723
ენმ-ის და “ოცნების” დაკავებულ აქტივისტებს სასამართლომ პატიმრობის უზრუნველყოფით გირაო შეუფარდა

ბოლნისის რაიონულმა სასამართლომ გასულ კვირაში მარნეულსა და ბოლნისში მომხდარი ინციდენტების გამო დაკავებულ ოთხივე პირს პატიმრობის უზრუნველყოფით გირაო შეუფარდა. დაკავებულთაგან 2 “ქართული ოცნების” მხარდამჭერია, 2 – “ნაციონალური მოძრაობის”.

აღკვეთის ღონისძიების სახით ბრალდების მხარე ოთხივე მათგანთან 5000-ლარიან გირაოს ითხოვდა, რაც სასამართლომ ნაწილობრივ დააკმაყოფილა.

ენმ-ის წევრ ლაშა ქველაძეს სასამართლომ 3000-ლარიანი გირაო შეეფარდა. მას ბრალდება საქართველოს სისხლის სამართლის კოდექსის 162-ე პრიმა მუხლის პირველი ნაწილით (არჩევნების დანიშვნის დღიდან არჩევნების საბოლოო შედეგების შეჯამებამდე საარჩევნო კომისიის განთავსების ადგილას ჩადენილი ძალადობა) წარუდგინეს.

დანარჩენ 3 დაკავებულს კი სასამართლომ 4000-ლარიანი გირაო შეუფარდა.

ენმ-ს და “ოცნების” დაკავებული აქტივისტებისთვის პროკურატურა გირაოს შეფარდებას ითხოვს

მასალების გადაბეჭდვის წესი