ნეტგაზეთი | “პატრიოტთა ალიანსმა” თბილისში აქცია გამართა “პატრიოტთა ალიანსმა” თბილისში აქცია გამართა – Netgazeti
RU | GE  

“პატრიოტთა ალიანსმა” თბილისში აქცია გამართა

“პატრიოტთა ალიანსმა” დღეს თბილისში, თავისუფლების მოედანზე მხარდამჭერები შეკრიბა და საარჩევნო მოწოდებები გაახმიანა.

დავით თარხან-მოურავი და ირმა ინაშვილი მხარდამჭერებს ერთმანეთის მონაცვლეობით მიმართავდნენ და 31 ოქტომბრის არჩევნებზე მისვლისკენ მოუწოდებდნენ.

ირმა ინაშვილის მოსაზრებით, “პატრიოტთა ალიანსს” ყველაზე მაღალი რეიტინგი აქვს. მისივე თქმით, ეს არჩევნები გადამწყვეტია, რადგან “მიმდინრეობს ხელისუფლების ჩანაცვლების პროცესი”

“31 ოქტომბერს უნდა გავიმარჯვოთ და მზად უნდა ვიყოთ მიტინგებისთვის. მზად ვიყოთ ბრძოლისთვის, დავანგრიოთ ესენი ბოლომდე”, – მიმართა მხარდამჭერებს დავით თარხან-მოურავმა.

აქციის გამართვის გამო თბილისის ცენტრში საავტომობილო მოძრაობა რამდენიმე საათით იყო შეზღუდული.

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.