ნეტგაზეთი | სტეფანაკერტი დაიბომბა – დე ფაქტო ყარაბაღის საგარეო უწყება სტეფანაკერტი დაიბომბა – დე ფაქტო ყარაბაღის საგარეო უწყება – Netgazeti
RU | GE  

სტეფანაკერტი დაიბომბა – დე ფაქტო ყარაბაღის საგარეო უწყება

მთიანი ყარაბაღის დე ფაქტო საგარეო საქმეთა სამინისტროს განცხადებით, აზერბაიჯანმა დაბომბა სტეფანაკერტი.

“სტეფანაკერტზე აზერბაიჯანის  შეტევის შედეგად დაზიანდა განსაკუთრებული სიტუაციების სამსახურის შენობა და სხვა სამოქალაქო ინფრასტრუქტურა. ასევე არიან დაშავებულები მშვიდობიან მოსახლეობაშიც”, – ნათქვამია განცხადებაში, რომელიც უწყებამ twitter-ით გაავრცელა.

დე ფაქტო რესპუბლიკის ომბუდსმენის, არდაკ ბეგლარიანის twitter-ის პოსტის მიხედვით, “ეს გახლდათ ყველაზე დიდი თავდასხმა სტეფანაკერტზე, რაც კი აქამდე განხორციელებულა.”

მანამდე აზერბაიჯანის თავდაცვის სამინისტრომ გაავრცელა ინფორმაცია, რომ სომხური ძალების მიერ შამქირის (იგივე შამქორი) რაიონის მიმართულებით განხორციელდა თავდასხმა Tochka-U-ს ტაქტიკური სარაკეტო კომპლექსის გამოყენებით.

სტეფანაკერტი თვითგამოცხადებული რესპუბლიკის, არწახის (მთიანი ყარაბაღის) დედაქალაქია, სადაც დაახლოებით 55 000 ათასი კაცი ცხოვრობს.

კონფლიქტის ზონაში სროლები 27 სექტემბერს განახლდა და ამ დრომდე მიმდინარეობს.

ნეტგაზეთის მასალების სხვა გამოცემებში გადაბეჭდვის წესი
ავტორი
ზურაბ მენაღარიშვილი არის ნეტგაზეთის რეპორტიორი 2020 წლის 01 ოქტომბრიდან მობ: +995 574131276; ელ-ფოსტა: zmenaghare@gmail.com