საზოგადოებრივი მაუწყებლის “პირველი არხის” განცხადებით, მარნეულში “პირველი არხის” გადამღები ჯგუფის კამერა დაამტვრიეს და ოპერატორს ფიზიკურად გაუსწორდენ.
ტელეკომპანიის განცხადებით, შემთხვევა „ქართული ოცნებისა“ და ნაციონალური მოძრაობის“ აქტივისტებს შორის შეხლა-შემოხლის დროს მოხდა.
“ინციდენტის მონაწილე ერთ-ერთი პირი საქართველოს პირველი არხის ოპერატორს თავს დაესხა, ცემა და კამერა დაუმტვრია. საქართველოს პირველი არხის გადამღები ჯგუფი ამ დროისთვის პოლიციაში გამოკითხვაზე იმყოფება”, – აცხადებენ ტელეკომპანიაში.
რამდენიმე წუთის წინ ფიზიკური შეურაცხყოფა მიაყენეს მარნეულში “მთავარი არხის” გადამღებ ჯგუფსაც. ტელეკომპანიის განცხადებით, მათ ჟურნალისტს თავი აქვს გატეხილი.
“მთავარი არხის” თქმით, მარნეულში მათ 4 თანამშრომელს ფიზიკურად გაუსწორდნენ