ნეტგაზეთი | მზად ვარ, პრემიერის პოსტი დავიკავო – ნათელაშვილმა საარჩევნო კანდიდატები დაასახელა მზად ვარ, პრემიერის პოსტი დავიკავო – ნათელაშვილმა საარჩევნო კანდიდატები დაასახელა – Netgazeti
RU | GE  

მზად ვარ, პრემიერის პოსტი დავიკავო – ნათელაშვილმა საარჩევნო კანდიდატები დაასახელა

“მე მზად ვარ, დავიკავო საქართველოს პრემიერ-მინისტრის პოსტი, თუ იქნება ხალხის ნება, თქვენი მხარდაჭერა და რაც მთავარია, ღმერთის ნება”, – განაცხადა “ლეიბორისტული პარტიის” ლიდერმა შალვა ნათელაშვილმა, რომელმაც პარტიის მაჟორიტარობის და მერობის დაასახელა.

ნათელაშვილმა თქვა, რომ “ლეიბორისტული პარტიის” საარჩევნო ნომერია 10 და მაჟორიტარობის 10 კანდიდატი ჰყავს. ესენია:

  1. შალვა ნათელაშვილი – ნაძალადევის მაჟორიტარული ოლქი
  2. ნიკა ვარდოშვილი – თელავი, ყვარელი, ლაგოდეხი, ახმეტა
  3. მიხეილ ქუმსიშვილი – რუსთავი
  4. ალი ბადიროვი – მარნეული
  5. თემურ წიკლაური – თეთრიწყარო, წალკა, დმანისი, ბოლნისი
  6. გიორგი ჩიტაური – სამცხე-ჯავახეთი
  7. ბექა ნათელაშვილი – მცეთა-მთიანეთი
  8. სამსონ გუგავა – ზესტაფონი
  9. დავით მამალაძე – გურია
  10. ტარიელ კალანდარიშვილი – ბათუმი

აჭარის უმაღლესი საბჭოს არჩევნებში, ნათელაშვილის თქმით, “ლეიბორისტულ პარტიის” სიის პირველი ნომერი ზურაბ ლომია იქნება.

“ლეიბორისტულმა პარტიამ” ქუთაისში მერობის კანდიდატად ირაკლი კიკვაძე დაასახელა, კასპში კი – ოთარ ქოსაშვილი.

ქალი კანდიდატები “ლეიბორისტულმა პარტიამ” მხოლოდ საკრებულოების არჩევნებში დაასახელა და მათი წარდგენისას სექსისტური მიდგომა გამოიყენა. შალვა ნათელაშვილმა არა კანდიდატების კომპეტენციას, არამედ სილამაზეს გაუსვა ხაზი.

“გემრიელი ლუკმა, ულამაზესი ლუკმა შემოვინახეთ ბოლოსთვის. სამ უმშვენიერეს გოგონას, ახალგაზრდას ვასახელებთ საკრებულოებში წევრობის კანდიდატად: ონში – მარიამ გოჩალეიშვილს, თელავში – თამარ მენაბდიშვილს, მანგლისში – თათია მაისურაძეს. მარტო ამ სილამაზის გამო მოგვცემენ ხმას”, – განაცხადა ნათელაშვილმა ქალი კანდიდატების წარდგენისას.

 

ლეიბორისტულმა პარტიამ დღეს დაასახელა პრემიერ-მინისტრობის, მაჟორიტარობისა და მერობის კანდიდატები!#მომავალიშენია10

Posted by Shalva Natelashvili – შალვა ნათელაშვილი on შაბათი, 26 სექტემბერი, 2020

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.