ნეტგაზეთი | ყოფილი ცოლის გატაცების, მასზე ძალადობისა და მუქარის ბრალდებით კაცი დააკავეს ყოფილი ცოლის გატაცების, მასზე ძალადობისა და მუქარის ბრალდებით კაცი დააკავეს – Netgazeti
RU | GE  

ყოფილი ცოლის გატაცების, მასზე ძალადობისა და მუქარის ბრალდებით კაცი დააკავეს

შინაგან საქმეთა სამინისტროს ცნობით, სამართალდამცავებმა ყოფილი ცოლის მიმართ განხორციელებული ძალადობის, მუქარისა და თავისუფლების უკანონო აღკვეთის ბრალდებით 1989 წელს დაბადებული ზ.დ.  დააკავეს

გამოძიების ცნობით, ბრალდებულმა სახლში მიაკითხა ყოფილ მეუღლეს -1981 წელს დაბადებულ ი.დ-ს, რომელიც იძულებით ჩასვა ავტომანქანაში და მისი ნების საწინააღმდეგოდ წაიყვანა სოფელ დაბის მიმართულებით არსებული ტყისკენ, სადაც, ყოფით საკითხზე არსებული უთანხმოების ნიადაგზე, ფიზიკური შეურაცხყოფა მიაყენა და სიცოცხლის მოსპობით დაემუქრა.

გამოძიება ოჯახის წევრის მიმართ ჩადენილ თავისუფლების უკანონო აღკვეთის, ძალადობისა და მუქარის ფაქტებზე მიმდინარეობს, საქართველოს სისხლის სამართლის კოდექსის 11 პრიმა 143-ე მუხლის პირველი ნაწილით, 11 პრიმა 151-ე
მუხლის მე-2 ნაწილის ,,დ” ქვეპუნქტითა და 126-ე პრიმა მუხლის პირველი ნაწილით. დანაშაული 4 წლამდე ვადით თავისუფლების აღკვეთას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.