შინაგან საქმეთა სამინისტროს 13 თანამშრომელს კორონავირუსი დაუდასტურდა. ამის შესახებ ინფორმაციას შსს ავრცელებს.
უწყების ცნობით, ბოლო 24 საათში Covid-19 თანამშრომლებს ლაბორატორიულად დაუდასტურდათ. რაც შეეხება მათ სამუშაო ადგილებს, სამინისტროს ინფორმაციით, 10 შემთხვევა აჭარაში, 2-თბილისში, 1 კი სამეგრელოში დაფიქსირდა.
- 2 შემთხვევა დაფიქსირებულია დაცვის პოლიციის დეპარტამენტში;
- 3 შემთხვევა- საპატრულო პოლიციის დეპარტამენტის ბათუმის სახაზო სამსახურში;
- 1 – ბათუმის საგანგებო სიტუაციების მართვის სამსახურში;
- 1 – აჭარის პოლიციის დეპარტამენტში;
- 1 – საპატრულო პოლიციის დეპარტამენტის საზღვრის მართვისა და კოორდინირების მთავარი სამმართველოს დასავლეთ საქართველოს სამსახურში;
- 2 – განსაკუთრებულ დავალებათა დეპარტამენტის აჭარის სამმართველოში;
- 1 – თბილისში, საგანგებო სიტუაციების მართვის სამსახურში;
- 1 – თბილისში, დაცვის პოლიციის დაცვის ორგანიზაციის სამმართველოში;
- 1 – სამეგრელოში, განსაკუთრებული დავალებათა დეპარტამენტის მე-2 სამმართველოში.
სამინისტროს ცნობით, შესაბამისი დანაყოფების ყველა თანამშრომელი, ვისთანაც ინფიცირებულებს უშუალო კონტაქტი ჰქონდათ, გადაყვანილია დაკვირვების ქვეშ და ჩაუტარდა ტესტები. ასევე, დეზინფექცია ჩაუტარდა იმ შენობებს, სადაც დაინფიცირებულები სამსახურეობრივ მოვალეობას ასრულებენ.
შსს-ს ინფორმაციით 13-ვე თანამშრომლის მდგომარეობა სტაბილურია.
შინაგან საქმეთა სამინისტრომ გუშინ, 20 სექტემბერს გაავრცელა ინფორმაცია, რომ კორონავირუსი უწყების 11 თანამშრომელს დაუდასტურდა. შსს-ს ცნობით, დადასტურებული შემთხვევებიდან 10 აჭარაში, 1 კი რუსთავში მუშაობს.
