ნეტგაზეთი | ვფიქრობთ, საბერძნეთთან ფრენები ნოემბერ/დეკემბრში აღდგება – თურნავა ვფიქრობთ, საბერძნეთთან ფრენები ნოემბერ/დეკემბრში აღდგება – თურნავა – Netgazeti
RU | GE  

ვფიქრობთ, საბერძნეთთან ფრენები ნოემბერ/დეკემბრში აღდგება – თურნავა

ეკონომიკისა და მდგრადი განვითარების მინისტრი ნათია თურნავა “რუსთავი 2”-თვის დღეს, 18 სექტემბერს, მიცემულ ინტერვიუში აცხადებს, რომ საბერძნეთთან რეგულარული ფრენები, სავარაუდოდ, ნოემბერ-დეკემბერში აღდგება. მისივე თქმით, ეს საკითხი თბილისში, UNWTO-ს აღმასრულებელი საბჭოს ღონისძიებაზე მყოფ საბერძნეთის ტურიზმის მინისტრთან განიხილეს.

“ერთ-ერთი წევრი ვინც არის ჩამოსული და სტუმრობდა საქართველოს, არის საბერძნეთის ტურიზმის მინისტრი. ძალიან ნაყოფიერი შეხვედრა მქონდა მასთან. გვაქვს კონკრეტული გეგმა, რომ საკმაოდ სწრაფად, ეპიდემიოლოგიური ვითარების გაუმჯობესების ფარგლებში ამ მიმართულებითაც მიმოსვლა აღდგება. [ფრენების აღდგენა] ვფიქრობთ, უფრო ნოემბერი, დეკემბრის საქმეა”,-აცხადებს თურნავა.

ამ ეტაპზე საქართველოს რეგულარული საჰაერო მიმოსვლა სამი მიმართულებით აქვს. თბილისის საერთაშორისო აეროპორტიდან ფრენები მხოლოდ მიუნხენის, პარიზისა და რიგის მიმართულებით სრულდება. გუშინ, 17 სექტემბერს, ცნობილი გახდა, რომ დაბალბიუჯეტიანი ავიაკომპანია Wizz Air 4 ოქტომბრიდან ფრენებს რიგის მიმართულებით შეასრულებს.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.