თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, დღეს, 17 სექტემბერს გამოვლენილი კორონავირუსის 179 ახალი შემთხვევა რეგიონების მიხედვით შემდეგნაირად ნაწილდება:
- აჭარაში — 126,
- იმერეთში – 16,
- თბილისში — 15,
- სამეგრელო-ზემო სვანეთში — 7,
- მცხეთა-მთიანეთში — 7,
- გურიაში — 4,
- კახეთში — 4.
მარინა ეზუგბაიას თქმით, ამ დროისთვის ქვეყანაში არის 9 კრიტიკულად მძიმე პაციენტი, მძიმე პაციენტების რაოდენობა კი 60-იდან 70-მდეა.
ბოლო 24 საათში საქართველოში კორონავირუსის 179 ახალი შემთხვევა გამოვლინდა და ინფიცირებულთა რაოდენობა 2937 გახდა. ამის შესახებ ინფორმაცია სახელმწიფოს მიერ შექმნილ ვებგვერდზე, stopcov.ge-ზეა მოცემული.
ამავე ვებგვერდის მონაცემებით, გამოჯანმრთელებულთა რიცხვი 10-ით გაიზარდა და ამჟამად 1422-ს შეადგენს.
ამ დროისთვის ქვეყანაში ვირუსის 1 500-მდე აქტიური შემთხვევაა.
კარანტინის რეჟიმშია 6633 მოქალაქე.